Міхаіл Фёдаравіч Заваротны

Міхаіл Фёдаравіч Заваротны
Старшыня Магілёўскага прамысловага аблвыканкама студзень 1963 — снежань 1964
Кіраўнік урада	Ціхан Кісялёў
Папярэднік	Глеб Аляксандравіч Крывулін як старшыня Магілёўскага аблвыканкама
Пераемнік	Васіль Луцкін як старшыня Магілёўскага аблвыканкама
Нараджэнне	14 лютага 1923(1923-02-14) Кіеў, УССР, СССР
Смерць	14 снежня 2017(2017-12-14) (94 гады)
Партыя	КПСС
Прыналежнасць	СССР
Узнагароды

Міхаі́л Фё́даравіч Заваро́тны (14 лютага 1923, Кіеў — 14 снежня 2017) — савецкі і беларускі дзяржаўны і партыйны дзеяч, старшыня Магілёўскага прамысловага аблвыканкама (1963—1964).

Біяграфія

У чэрвені 1941 года курсантам 1-га Кіеўскага артылерыйскага вучылішча РСЧА пайшоў на фронт. У баях пад Масквой у брыгадзе, дзе ваяваў юны камандзір гарматы Заваротны, амаль нікога не засталося з першапачатковага складу.

«Баі былі страшныя, — успамінае Міхаіл Фёдаравіч. — А яшчэ лютыя маразы. У навагоднюю ноч, напрыклад, слупок тэрмометра апусціўся да "мінус" 45 ° С. У баявым разліку я быў і за наводчыка. У рукавіцах працаваць не будзеш, — указальны палец адмарозіў так, што адна костка заставалася»

—

У канцы 1943 — пачатку 1944 года быў закінуты на тэрыторыю Польшчы, меў званне паручніка Арміі Людовы.

У 1950 годзе скончыў Кіеўскі тэхналагічны інстытут лёгкай прамысловасці. Пачаўшы працоўную дзейнасць у Беларускай ССР, за год вырас ад зменнага майстра да галоўнага інжынера абутковай фабрыкі. Яшчэ праз два гады ён быў ужо дырэктар фабрыкі «Чырвоны Кастрычнік» у Віцебску, вывеў прадпрыемства з крызіснага стану.

• 1957—1963 гады — загадчык прамысловым аддзелам Віцебскага абкама Кампартыі Беларусі,
• 1963—1964 гады — старшыня выканаўчага камітэта Магілёўскага прамысловага абласнога Савета,
• 1964—1980 гады — намеснік старшыні Дзяржаўнага планавага камітэта Савета Міністраў Беларускай ССР.

Спасылкі

• http://dissers.ru/belarus/a6-6.php Архівавана 28 студзеня 2017.
• http://www.economy-law.com/cgi-bin/article.cgi?date=2003/04/29&name=70 Архівавана 4 сакавіка 2016.